مسلمانوں میں خوشی کی لہر؛ نیویارک میں اب اذان کی گونج سنائی دے گی

امریکی شہر نیویارک میں لاؤڈ اسپیکر پراذان دینے کی اجازت مل گئی۔

تفصیلات کے مطابق نیویارک شہر کے میئر کی جانب سے قائم کردہ قوانین کے تحت لاؤڈ اسپیکر پراذان دیے جانے کی اجازت ملی ہے۔

اجازت نامہ کے تحت ہر جمعہ اور رمضان المبارک میں لاؤڈ اسپیکر پر اذان کی صدائیں بلند ہوں گی۔

نیو یارک سٹی کے میئر ایرک ایڈمز نے ایکس پراپنی پوسٹ میں کہا، ’مساجد اور عبادت گاہیں جمعہ کے دن اور رمضان کے دوران بغیر اجازت اپنی اذان دینے کے لیے آزاد ہیں‘۔

We're cutting red tape and saying clearly that mosques and houses of worship are free to amplify their call to prayer on Fridays and during Ramadan without a permit necessary.

Read more: https://t.co/lVRw5brgVU https://t.co/pdjMDdJe9p pic.twitter.com/wkblirAeY6

— Mayor Eric Adams (@NYCMayor) August 29, 2023

 

انہوں نے مزید کہا کہ جب تک وہ شہر کے میئر ہیں، نیویارک مسلمان اپنے خواب سے دور نہیں رہیں گے۔ نیویارک سٹی کے میئر نے مزید کہا کہ نماز دین کے پانچ ستونوں میں سے ایک ہے جو دن میں پانچ بار قریبی مسجد میں ادا کرنے کا حکم ہے۔ اذان سن کر ہی نماز کے وقت کا پتا چلتا ہے۔

نیویارک سٹی کے میئر نے کہا کہ اذان کے لیے استعمال ہونے والے لاؤڈ اسپیکر کی جانچ پڑتال اور ساؤنڈ کو مناسب لیول پر رکھنے کے لیے پولیس، مسجد انتظامیہ کے ساتھ مل کر گائیڈ لائنز پر عمل درآمد کو یقینی بنائیں گے۔