خاتون نے دانتوں سے کیبل کاٹ کر آئی فون چوری کر لیا

بیجنگ: چین میں ایک خاتون نے ایپل اسٹور میں لگی مضبوط کیبل کو دانتوں کی مدد سے کاٹ کر آئی فون 14 چرا لیا۔میڈیا رپورٹس کے مطابق آئی فون ایپل اسٹور سے چرانے کا یہ غیر معمولی واقعہ چین کے جنوب مشرقی صوبے فوجیان میں پیش آیا جہاں ایک خاتون کو سی سی ٹی وی فوٹیج میں فون چراتے دیکھا گیا۔خاتون کامیابی سےفون چراکر شو روم سے باہرآتی ہیں تاہم پولیس نے اسے نصف گھنٹے میں ہی گرفتار کرلیا۔ویڈیو میں دیکھا گیا کہ خاتون پہلے کچھ دیر آئی فون کا جائزہ لیتی ہیں پھر کیبل کو دانتوں میں لے کر کاٹنا شروع کرتی ہیں، مسلسل چبانے سے کیبل بلآخر ٹوٹتا ہے اور خاتون اطمینان سے فون لے کر اپنے بیگ میں رکھ کر تیز قدموں سے اسٹور سے باہر نکل جاتی ہیں۔