پشاور : عمر قید اور سزائے موت کے 12 قیدی میٹرک امتحان میں کامیاب

پشاور: سنٹرل جیل پشاورمیں قید درجنوں قیدی میٹرک امتحان میں پاس ہو گئے ۔ عمر قید اور سزائے موت کے 12 قیدیوں نے میٹرک پاس کرلیا،سنگین جرائم میں قید 60 قیدیوں نے بھی نویں اور دسویں کا امتحان پاس کر لیا ہے ، پاس ہونے والے قیدیوں کو ڈی ایم سی کی فراہمی آئندہ ہفتے کردی جائے گی، متعدد قیدی میٹرک امتحان میں فیل بھی ہوگئے، جیل سپرنٹنڈنٹ کے مطابق کامیاب قیدیوں کو سزا میں ایک سال رعایت دی جائے گی،نہم و دہم میں پاس طلباء کے لئے انعامات سے بھی نوازا جائے گا۔