یونیسکو اجلاس: اسرائیلی وفد کا سعودی عرب کا پہلا اعلانیہ دورہ

ریاض: اسرائیل کا پانچ رکنی وفد پہلے اعلانیہ دورے پر سعودی دارالحکومت ریاض پہنچا اوراقوام متحدہ کے ادارے یونیسکو کے اجلاس میں شرکت کی۔اے ایف پی کے مطابق اسرائیلی عہدیدار نے اپنی سرکاری شناخت ظاہر کرنے سے گریز کیا تاہم کہا کہ ہم یہاں بہت خوش ہیں، یہ ایک اچھا اقدام ہے، ہم یونیسکو اور سعودی حکام کے شکرگزار ہیں۔انہوں نے بتایا کہ وفد دبئی کے راستے سعودی عرب پہنچا کیونکہ اسرائیل سے سعودیہ کیلئے براہ راست پروازوں کا انتظام نہیں ہے۔اسرائیلی وفد کو یونیسکو کے ذریعے سعودی عرب کا ویزا ملا تھا۔ تجزیہ کاروں کے مطابق اگرچہ یہ دورہ سیاسی نہیں تھا اور اس کا انتظام یونیسکو کی جانب سے کیا گیالیکن پھر بھی اس کی ایک اہمیت رہے گی۔