ریاض : سعودی وزارت دفاع کے 2 اہلکاروں کو سزائے موت دے دی گئی

ریاض : سعودی عرب میں ملک سے غداری اور اپنے حلف کی خلاف ورزی پر وزارت دفاع کے دو اہلکاروں کو سزائے موت دے دی گئی۔ سعودی پریس ایجنسی کے مطابق وزارت دفاع کے دونوں مجرموں میں پائلٹ لیفٹیننٹ کرنل ماجد بن موسیٰ اور چیف سارجنٹ یوسف بن رضا شامل ہیں۔ دونوں افراد کو ملک سے بغاوت ، قانون کی حکم عدولی ، قومی اتحاد پامال کرنے اور انتشار پھیلانے کے اقدامات کے جرم میں سزائے موت دی گئی۔

وزارة الدفاع تُعلن تنفيذ حكم القتل بحق اثنين من منسوبيها أُدينا بارتكاب جريمة الخيانة.https://t.co/VicOz6BsX0 pic.twitter.com/c3PIdy6jmV

— وزارة الدفاع (@modgovksa) September 14, 2023

وزارت دفاع کے دونوں مجرموں کے حوالے سے سعودی پریس ایجنسی نے مزید بتایا کہ انھیں بطور فوجی اپنے حلف کو توڑنے کے حوالے سے قابل اطلاق ضوابط کے تحت اور اسلامی قانون کی تعمیل میں شرعی احکامات کے مطابق طائف میں سزائے موت دی گئی۔