ایشیاء کپ 2023: سری لنکا نے پاکستان کو شکست دے دی

کولمبو: ایشیا کپ کے اہم میچ میں سری لنکا پاکستان کو 2وکٹوں سے ہرا کر فائنل میں پہنچ گیا ۔ اب لنکن ٹیم بھارت کے ساتھ ایشیا کپ ٹورنامنٹ کا فائنل کھیلے گی۔ بارش سے متاثرہ میچ کو 42،42 اوورز تک محدود کر دیا گیا۔ پاکستان نے ٹاس جیت کر پہلے بیٹنگ کرتے ہوئے 7 وکٹوں کے نقصان پر 252 رنز بنائے ۔ پاکستان کی طرف سے عبداللہ شفیق 52 اور محمد رضوان 86 اور افتخار احمد 47رنز بنا کر نمایاں رہے ۔

سری لنکا کی طرف سے پاتھیرانا نے 3 اور پرامود نے 2 وکٹیں حاصل کیں ۔ جواب میں سری لنکا کی ٹیم نے ہدف آخری گیند پر حاصل کر لیا ۔ لنکن ٹیم کی طرف سے کوشل مینڈس نے 91 رنز کی اننگز کھیلی اسالانکا نے 49 اور سدیرا نے 48 رنز بنائے ۔ پاکستان کی طرف سے افتخار نے 3 شاہین شاہ نے 2 وکٹیں حاصل کیں ۔ اب سری لنکا اور بھارت کی ٹیمیں اتوار کو فائنل میں ٹکرائیں گی ۔