یوکرین کو ہتھیاروں کی فروخت سے متعلق خبر من گھڑت ہے،ترجمان دفتر خارجہ

اسلام آباد: پاکستان نے عالمی مالیاتی فنڈ (آئی ایم ایف) کے بیل آؤٹ پیکج کے حصول کے لیے یوکرین کو ہتھیاروں کی فروخت سے متعلق غیر ملکی میگزین کی رپورٹ کو مسترد کرتے ہوئے کہا ہے کہ خبر بے بنیاد اور من گھڑت ہے۔

Responding to media queries on the latest Intercept story alleging sale of Pakistani weapons to Ukraine to get IMF bailout package for Pakistan, the Spokesperson, Ministry of Foreign Affairs, Mumtaz Zahra Baloch, rejected the story as baseless and fabricated. She said: “the IMF… pic.twitter.com/c51eAVfpqm

— PTV News (@PTVNewsOfficial) September 18, 2023

یوکرین کو پاکستانی ہتھیاروں کی فروخت کے الزام پر ترجمان دفتر خارجہ ممتاز زہرہ بلوچ نے ردعمل دیتے ہوئے کہا کہ آئی ایم ایف بیل آؤٹ پیکج کے لیے یوکرین کو پاکستانی ہتھیاروں کی فروخت کی خبر بے بنیاد اور من گھڑت ہے، پاکستان اس بے بنیاد اور من گھڑت خبر کو مسترد کرتا ہے۔

ترجمان دفترخارجہ نے کہا کہ پاکستان اور عالمی مالیاتی فنڈ (آئی ایم ایف) کے درمیان مذاکرات مشکل لیکن ضروری معاشی اصلاحات کے نفاذ کے لیے اسٹینڈ بائی معاہدے پر ہوئے لیکن ان مذاکرات کو کوئی اور رنگ دینا مضحکہ خیز ہے۔

ممتاز زہرہ بلوچ نے مزید کہا کہ پاکستان یوکرین اور روس کے درمیان تنازع کے حوالے سے اپنی غیر جانبدارانہ پالیسی پر سختی سے عمل پیرا ہے، پاکستان کی طرف سے کسی کو کوئی اسلحہ یا گولہ بارود فراہم نہیں کیا گیا، پاکستان کی دفاعی برآمدات ہمیشہ سخت ترین شرائط کے ساتھ ہوتی ہیں۔