جنوبی پنجاب میں مزید 161 بجلی چوروں کو پکڑ لیا، ترجمان میپکو

اسلام آباد(اُمت نیوز)ترجمان میپکو نے کہا کہ جنوبی پنجاب میں مزید 161 بجلی چوروں کو پکڑ لیا گیا ہے۔
ترجمان کا کہنا ہے کہ بجلی چوروں کی مجموعی تعداد 9746 تک جا پہنچی اور 126 نئے مقدمات درج ہونے سے کُل تعداد 3049 ہوگئی ہے۔
ترجمان میپکو نے بتایا کہ مزید 2 افراد کی گرفتاری سے تعداد 235 ہوگئی ہے، مجموعی طورپر 34 کروڑ 41 لاکھ روپے جرمانہ عائد کیا گیا۔
دوسری جانب پاکپتن میں بھی کاروائیاں جاری ہیں، بجلی چوروں کے خلاف 108 مقدمات درج کرلئے گئے ہیں۔
ایکسین واپڈامحمد علی نے کہا کہ بڑے بجلی چوروں پر بھی ہاتھ ڈالا جارہا ہے جن پر اب تک 82 لاکھ روپے سے زائد جرمانےعائد کیے جاچکے۔