ایرانی صدر کا خطاب،اسرائیلی سفیر کو باہر نکال دیا گیا

نیویارک:  ایرانی صدر ابراہیم رئیسی کی اقوام متحدہ میں تقریر کے دوران اسرائیلی سفیر نے شور شرابا کرنا شروع کر دیا جس پر سیکیورٹی نے انہیں باہر نکال دیا۔

نجی ٹی وی کے مطابق اقوام متحدہ کی جنرل اسمبلی اجلاس سے ایرانی صدر ابراہم رئیسی خطاب کر رہے تھے کہ اسرائیلی سفیر جلعاد اردان اچانک اپنی نشست سے اٹھ کھڑے ہوئے اور ایک پوسٹر لہراتے ہوئے شور کرنا شروع کر دیا۔

ایرانی صدر نے بغیر کوئی نوٹس لئے اپنی تقریر جاری رکھی، انتظامیہ نے سیکیورٹی طلب کر لی جس نے اسرائیلی سفیر جلعاد اردان کو حراست میں لیا اور ہال سے باہر نکال دیا۔