شادی شدہ جوڑا 311سال پُرانا ڈاک خانہ چلانے امریکاسےاسکاٹ لینڈ پہنچ گیا
ڈاک خانے کو خریدنے کے لیے انہوں نے ایک پیش کش کی لیکن دوسری کوشش میں یہ کاروبار خریدنے میں کامیاب ہوگئے
September 21, 2023 · بام دنیا
ایڈنبرا: برطانوی نژاد امریکی دنیا کا سب سے پرانا پوسٹ آف چلانے اہلیہ کے ساتھ امریکا سے اسکاٹ لینڈ پہنچ گیا۔ برطانوی علاقے لنکن شائر سے تعلق رکھنے والے بیری فورڈ اور شمالی لینرک شائر سے تعلق رکھنے والی ان کی اہلیہ میری گزشتہ 20 سالوں سے امریکی ریاست فلوریڈا میں زندگی بسر کر رہے تھے۔ تین سال قبل ان کو 311 برس پُرانے سینکواہر ڈاک خانے کی فروخت کے متعلق علم ہوا جس کے بعد انہوں نے اس کو خریدنے کی کوشش کی۔
ہیری فورڈ لیک لینڈ میں ایک کمپنی کے مالک ہیں جو نجی ہوائی جہاز مالکان کے لیے ان کے جہازوں کو صاف کرتی ہے۔ دونوں برطانیہ میں ایک کاروبار خریدنا چاہتے تھے جہاں ان کی بیمار مائیں زندگی بسر کر رہی تھیں۔
ڈاک خانے کو خریدنے کے لیے انہوں نے ایک پیش کش کی لیکن دوسری کوشش میں یہ کاروبار خریدنے میں کامیاب ہوگئے۔ ڈاک خانہ خریدنے کے بعد بیری فورڈ دنیا کے سب سے پرانے ڈاک خانے کے 17ویں پوسٹ ماسٹر بن گئے ہیں۔