چیف جسٹس نے وکیل پر جرمانہ عائد کردیا

اسلام آباد(اُمت نیوز)چیف جسٹس قاضی فائز عیسیٰ نے عدالت کا وقت ضائع کرنے پر وکیل کو 5 ہزار روپے جرمانہ کردیا۔
چیف جسٹس نے پراپرٹی کیس میں عدالت کا وقت ضائع کرنے پروکیل کوجرمانہ کیا گیا۔ رقم فلاحی ادارے میں جمع کروائی جائے گی۔
انہوں نے ریمارکس دیے کہ وکیل نےعدالت کو مس لیڈ کرنے کی کوشش کی۔ چیف جسٹس نے ریمارکس دیے کہ ، ’آپ کےاس عمل سے عدالت کوآپ پراعتبارنہیں رہا‘۔
چیف جسٹس قاضی فائز عیسیٰ کا مزید کہنا تھا کہ جرمانے کی رقم اپنی مرضی کے خیراتی ادارے میں جمع کراکےرسید پیش کریں۔