سندھ میں موٹرسائیکل کی ڈبل سواری پر پابندی عائد

کراچی: سندھ حکومت نے 12،11 ربیع الاول کو موٹرسائیکل کی ڈبل سواری پر پابندی عائد کردی ہے۔

محکمہ داخلہ سندھ کی جانب سے نوٹی فکیشن جاری کردیا گیا ہے۔ضلع وسطی کراچی میں 11 اور 12 ربیع الاول کو موٹرسائیکل کی ڈبل سواری پر پابندی ہوگی۔ضلع شرقی میں 8، 11 اور 12 ربیع الاول کو ڈبل سواری پر پابندی ہوگی۔

حیدرآباد،سکھر اور دادو میں 11 اور 12 ربیع الاول، گھوٹکی میں 12 ربیع الاول کو موٹرسائیکل کی ڈبل سواری پر پابندی ہوگی۔

لاڑکانہ، قمبر شہدادکوٹ، کشمور، جیکب آباد اور نوابشاہ میں 12 ربیع الاول کو ڈبل سواری پر پابندی عائد کی گئی ہے۔