سکھر، سلنڈر دھماکا، دکان جل کر خاکستر، متعدد افراد جھلس گئے

سکھر:  ڈینٹر پینٹر کالونی میں قائم دکان پر سلنڈر پھٹ گیا، دکان جلکر کا خاکستر، متعدد افراد جھلس گئے۔ تفصیلات کے مطابق نیو بس ٹرمینل آباد جاگیر میں ڈینٹر پینٹر کالونی میں دکان پر سلنڈر پھٹنے سے دکان جل کر خاکستر ہوگئی، قریبی دکانوں کو بھی شدید نقصان پہنچا، متعدد افراد جھلس گئے، جنہیں رینجرز اسپتال منتقل کیا گیا، اطلاع پر فائرٹینڈر نے پہنچ کر آگ کو پھیلنے سے روک دیا، دکاندروں کے مطابق قمر الدین کی ایل پی جی کی دکان میں سلنڈر میں گیس بھرنے کے وقت دھماکہ ہوا، علاقہ مکینوں نے دکان کے اوپر گھر سے فیملی کو باہر نکالا۔