میرعلی میں شہید سپاہی شکیل شفقت پورے فوجی اعزاز کے ساتھ سپرد خاک

بارہ میل: شمالی وزیرستان کے علاقے میر علی میں پاک فوج پر خودکش حملے میں کبیروالا کے ایک فوجی جوان نے جام شہادت نوش کر لیا شہید سپاہی شکیل شفقت بندیشہ کا تعلق بارہ میل کے نواحی علاقے اڈا ونوئی موضع حسن پور سے ہے شہید کی نماز جنازہ کے بعد فوجی اعزاز کے ساتھ سپرد خاک کر دیا گیا۔ تفصیل کے مطابق بارہ میل کے نواحی علاقہ موضع حسن پور کے سپاہی شکیل شفقت بندیشہ گزشتہ روز شمالی وزیر ستان کے علاقے میر علی میں دہشت گردوں اور سیکیورٹی فورسز کے درمیان فائرنگ کے شدید تبادلے میں جام شہادت نوش کر لیا شہید کا جسد خاکی انکے آبائی گاؤں پہنچا ۔

شہید کی نمازِ جنازہ موضع حسن پور میں ہی ادا کی گئی جس میں پاک فوج کے اعلی ٰافسران،جوانوں،ڈی ایس پی کبیروالا اعجاز حسین بخاری،ایس ایچ او تھانہ بارہ چوہدری اشرف آرائیں،صحافیوں سمیت اہل علاقہ کی کثیر تعداد نے شرکت کی شہید سپاہی کو گارڈ آف آنر پیش کرنے کے بعد ان کے آبائی گاؤں کے قبرستان میں دفن کیا گیا۔