جسٹس مظاہر نقوی کیخلاف شکایات، جسٹس طارق مسعود نےقانونی رائے دیدی

اسلام آباد: جسٹس سردار طارق مسعود نے جسٹس مظاہر اکبر نقوی کے خلاف سپریم جوڈیشل کونسل میں شکایات پر قانونی رائے دیدی۔

جسٹس مظاہر نقوی کے خلاف سپریم جوڈیشل کونسل میں 10 ریفرنسز دائر کیے گئے تھے، جن میں مالی بے ضابطگی پر کارروائی کی استدعا کی گئی تھی۔

سابق چیف جسٹس عمر عطا بندیال نے بطور چیئرمین سپریم جوڈیشل کونسل ریفرنس اسکروٹنی کےلیے ممبر کمیٹی کو بھجوایا تھا۔

ذرائع کے مطابق جسٹس سردار طارق مسعود کی رائے چیئرمین جوڈیشل کونسل اور جوڈیشل کونسل کے تمام ممبران کو بھیجی جائے گی۔

جسٹس سردار طارق مسعود کی قانونی رائے پر کونسل اجلاس بلانے یا نہ بلانے کا فیصلہ کرے گی۔