کندھ کوٹ میں دھماکا،6 جاں بحق

کندھ کوٹ(اُمت نیوز)راکٹ لانچر کا گولا پھٹنے سے دھماکا، خاتون اور بچوں سمیت 6 افراد جاں بحق
کندھ کوٹ میں راکٹ لانچر کا گولا پھٹنے سے دھماکا ہوگیا جس کے نتیجے میں بچوں اور خاتون سمیت 6 افراد جاں بحق ہوگئے۔
پولیس کا کہنا ہے کہ شہر کے کچے کے علاقے میں راکٹ لانچر کا گولا پھٹا جس کی وجہ سے دھماکا ہوگیا۔
پولیس کے مطابق دھماکے سے دو بچوں اور خاتون سمیت 6 افراد جاں بحق ہوگئے جن کی لاشوں کو اسپتال منتقل کردیا گیا ہے۔
پولیس نے بتایا کہ واقعہ گھوڑاگھٹ تھانہ کی حدودعلی نواز سبزوئی میں پیش آیا جہاں اہلخانہ نامعلوم مقام سے ملنے والا گولہ بیچنے کے لئے توڑ رہے تھے۔