ملک بھرمیں جشن عید میلاد النبی ؐ کل مذہبی عقیدت واحترام سے منایاجائیگا

کراچی ( اسٹاف رپورٹر ) ملک بھر کی طرح کراچی سمیت سندھ بھر میں جشن میلاد النبی ۖ جمعہ کوانتہائی عقیدت واحترام اور مذہبی جوش و جذبے سے منایا جائے گا ۔ کراچی کے کئی زائد علاقوں سے چھوٹے بڑے جلوس نکالنے کی تیاریاں مکمل ہیں ، جو جشن میلاد کے مرکزی جلوس کا حصہ بنیں گے ۔ترجمان جماعت اہلسنت کے مطابق کراچی میں مرکزی جلوس عید میلاد النبی جمعہ 3بجے دو پہر بولٹن مارکیٹ سےققق برآمد ہو گا۔مرکزی جلسہ میلاد 5بجے شام نشتر پارک میں ہو گا،نماز عصر،مغرب نشتر پا رک میںق اداکی جائے گی۔جلو س اورق جلسہ کے انتظا مات جما عت اہلسنّت کراچی کے ایک ہزاررضاکاراسکاؤٹس انجام دینگے۔جلوسوں کی سکیورٹی کے لیے خصوصی انتظامات کو حتمی شکل دے دی گئی ہے ۔

جمعہ کو عید میلادالنبیۖ کے موقع پر جشن صبح بہاراں کا آغاز بارگاہ رسالت میں ہدیہ درود و سلام ، اجتماعی دعاوں سے ہو گا ۔ جشن ولادت مصطفی صبح بہاراں کی مناسبت سے محافل نعت ، میلاد شریف ، قصیدہ بردہ شریف ، ختم درود پاک کی محافل منعقد ہوں گی۔ کراچی سمیت صوبے بھر میں جشن عید میلادالنبی پورے مذہبی جوش و جذبے کے ساتھ منانے کی تیاریاں کی گئی ہیں ۔ شہر شہر درود سلام کی صدائیں سنائی دے رہی ہیں ۔ گھر ، مساجد اور بازاروں کو جھنڈیوں اور روشنیوں کے ساتھ سجایا گیا ہے ۔ مساجد ، گھروں ، گلیوں ، شاہراہوں اور بازاروں کو برقی قمقموں سے سجا دیا گیا ہے ۔ رنگ برنگی روشنیوں سے سجی عمارتیں دلکش منظر پیش کر رہی ہیں ۔

ماہ ربیع الاول کی آمد کے ساتھ ہی کراچی کے مختلف علاقوں میں گلیوں ، بازاروں ، گھروں اور مساجد کو دلہن کی طرح سجا دیا گیا ہے ۔ ربیع الاول کے آغاز سے ہی کراچی کے کئی علاقے برقی قمقموں سے جگمگا اٹھے ہیں ۔ مختلف علاقوں کو نعلین مبارک اور سبز پرچموں سے سجا یا گیا ہے ۔جشن ولادت رسولﷺ کی مناسب سے شہر میں مختلف مقامات نیاز اور لنگر کا اہتمام کیا گیا ہے۔