دہشتگردوں کو مذموم مقاصد میں کامیاب نہیں ہونے دیں گے،کور کمانڈر پشاور

ہنگو (اُمت نیوز) کور کمانڈر پشاور نے ہنگو میں مسجد بم دھماکہ کی جگہ کا دورہ کیا، انہوں نے آپریشن میں حصہ لینے والے اہلکاروں سے ملاقات بھی کی۔
کور کمانڈر لیفٹیننٹ جنرل حسن اظہر حیات نے بڑے حادثے سے بچانے پر اہل کاروں کو سراہا، کور کمانڈر نے سی ایم ایچ ٹل کا بھی دورہ کیا، دھماکے کے زخمیوں سے ملاقات کی اور ان کی خیریت دریافت کی۔
کور کمانڈر پشاور لیفٹیننٹ جنرل حسن اظہر حیات نے کہا کہ دہشت گردوں کو اپنے مذموم مقاصد میں کامیاب نہیں ہونے دیا جائے گا، کور کمانڈر نے زخمیوں کے بہترین علاج کو یقینی بنانے کے احکامات جاری کئے۔