ایم ڈی کیٹ میں ٹاپ کرنیوالی طالبہ کی انٹر میں بھی ٹاپ پوزیشن

کوہاٹ(اُمت نیوز)ایم ڈی کیٹ میں ٹاپ کرنیوالی طالبہ نے انٹر میں بھی ٹاپ پوزیشن اپنے نام کرلی
پشاور میں میڈیکل اینڈ ڈینٹل کالج ایڈمیشن ٹیسٹ (ایم ڈی کیٹ) میں ٹاپ پوزیشن حاصل کرنے والی طالبہ عزرا ریاض نے انٹر میں بھی ٹاپ پوزیشن اپنے نام کرلی ہے۔
عزرا ریاض نے انٹرمیڈیٹ کے امتحانات میں ایک ہزار27 نمبر لیکر کوہاٹ بورڈ میں ٹاپ پوزیشن لی، جبکہ 198 نمبر لے کر ایم ڈی کیٹ میں بھی ٹاپ کیا۔
طالبہ کے والد محمد ریاض پیشے کے اعتبار سے ایک سرکاری اسکول میں سی ٹی ٹیچر ہے۔

خیبرپختونخوا میں 198 نمبر لے کر ایم ڈی کیٹ ٹیسٹ ٹاپ کرنے والی طالبہ عزرا ریاض نے کوھاٹ تعلیمی بورڈ بھی 1 ہزار 27 نمبرز لے کر ٹاپ کیا۔ عزرا ریاض ایک غریب سرکاری سکول ٹیچر کی بیٹی ہے۔ کیا ایم ڈی کیٹ ری کنڈکٹ عزرا ریاض اور اسطرح دیگر ذہین طلبہ کے ساتھ انصاف ہوگا؟ pic.twitter.com/YBqpGL5aKA

— Muhammad Danial Aziz (@mdanyalaziz) September 29, 2023

خیبرپختونخوا میں ایم ڈی کیٹ متنازع بن گیا تھا، جب ٹیسٹنگ ایجنسی ایٹا نے صوبے بھر کے امتحانی مراکز میں سے 219 ایسے امیدواروں کو پکڑا جو خفیہ بلیو ٹوتھ ڈیوائس کے ذریعے نقل کررہے تھے۔
اس کے بعد پشاور ہائیکورٹ نے ایم ڈی کیٹ نتائج روک دیے ہیں، صوبائی کابینہ اجلاس میں ٹیسٹ ری کنڈکٹ کا فیصلہ کیا گیا۔
اس فیصلے پرٹیسٹ پاس کرنے والے امیدواروں نے پشاور ہائی کورٹ سے رجوع کرلیا ہے۔