عالیہ رشید ڈائریکٹر میڈیا اینڈ کمیونیکیشن پی سی بی مقرر

لاہور: پاکستان کرکٹ بورڈ (پی سی بی) نے اسپورٹس صحافی عالیہ رشید کو ڈائریکٹر میڈیا اینڈ کمیونیکیشن مقرر کردیا۔ ذرائع کے مطابق چیئرمین پی سی بی مینجمنٹ کمیٹی ذکاء اشرف نے اسپورٹس صحافی عالیہ رشید کو ڈائریکٹر میڈیا اینڈ کمیونیکیشن مقرر کردیا۔

ذرائع کا کہنا ہے کہ عالیہ رشید پی سی بی میں میڈیا ہیڈ کے طور پر کام کرنے والی پہلی خاتون ڈائریکٹر ہوں گی۔ واضح رہے کہ عالیہ رشید پچھلے 35 سال سے اسپورٹس جرنلسٹ کے طور پر کام کررہی ہیں اور وہ گزشتہ 8 سال سے نجی ٹی وی پر بطور کرکٹ اینالسٹ خدمات انجام دے رہی ہیں۔