فیصل آباد: کپڑے سے بھرے ٹرک میں آتشزدگی،لاکھوں روپے کا نقصان

فیصل آباد (اُمت نیوز) فیصل آباد میں کپڑے سے بھرے ٹرک میں آگ لگ گئی جس کے نتیجے میں لاکھوں روپے مالیت کا کپڑا جل گیا۔
ٹرک میں آتشزدگی کا واقعہ فیصل آباد کے علاقے ٹاٹا بازار میں پیش آیا، ٹرک میں آگ لگنے کی وجہ معلوم نہیں ہو سکی تاہم آگ اس قدر خوفناک تھی کہ اس نے دیکھتے ہی دیکھتے پورے ٹرک کو چند منٹوں میں اپنی لپیٹ میں لے لیا۔
ٹرک کو آگ لگنے کی وجہ سے لاکھوں روپے مالیت کا کپڑا جل کر راکھ میں تبدیل ہو گیا، واقعے کے اطلاع ملنے پر فائر بریگیڈ کی ٹیم موقع پر پہنچ گئی اور آگ پر قابو پا لیا، پولیس نے متاثرہ ٹرک کو تحویل میں لے کر قانونی کارروائی شروع کر دی۔