ثانوی تعلیمی بورڈ کراچی،سال2024 کیلئے نئی پریکٹیکل لسٹ کا اجرا

کراچی (اسٹاف رپورٹر) ثانوی تعلیمی بورڈ کراچی کے چیئرمین ڈاکٹر سید شرف علی شاہ کی خصوصی ہدایات کی روشنی میں ڈائریکٹر ایجوکیشنل ریسرچ حور مظہر کے مطابق سالانہ عملی امتحانات برائے سال2024 کے لیے نئی پریکٹیکل لسٹ سائنس گروپ جماعت نہم و دہم کا اجرا کر دیا گیاہے نئی پریکٹیکل لسٹ سندھ ٹیکسٹ بک بورڈ جامشورو کے نئے پریکٹیکل جنرلز کے مطابق تیار کی گئی ہیں

Practicals List 2024

لہٰذا اب تمام طلباء و طالبات اسی پریکٹیکل نصاب سے تیاری کریں گے۔ ڈائریکٹر ایجوکیشنل ریسرچ حور مظہر کا کہنا تھا کہ نئی پریکٹیکل لسٹ اساتذہ کرام اور طلباء و طالبات کی رہنمائی کے لیے ماہر اساتذہ کرام کی رہنمائی سے امسال ایک کمیٹی تشکیل دی گئی جس میں اپنے اپنے مضامین کے ماہر اساتذہ کرام نے شرکت کی اور نئی پریکٹیکل لسٹ تیار کی گئی۔نئی پریکٹیکل لسٹ کو طلباء وطالبات کی آسانی کے لیے میٹرک بورڈ کی آفیشل ویب سائٹ www.bsek.edu.pkپر اپ لوڈ کر دیا جائے گا۔