عثمان ڈار کی والدہ میدان میں آگئیں،خواجہ آصف کا مقابلہ کرنے کا اعلان

سیالکوٹ : پاکستان تحریک انصاف چھوڑنے کے اعلان کے بعد عثمان ڈار کی والدہ نے کہا ہے کہ سیاست میں خواجہ آصف کا مقابلہ میں کروں گی۔پاکستان تحریک انصاف چھوڑنے کے اعلان کے بعد عثمان ڈار کی والدہ نے اپنے بیٹے کے انٹرویو پر ردعمل دیا اورانہوں نے لیگی رہنما خواجہ آصف کو تنقید کا نشانہ بناتے ہوئے مخاطب کیا کہ خواجہ آصف میری بات غور سے سن لیں، جو تم چاہتے تھے وہ تم نے عثمان ڈار کو گن پوائنٹ پر رکھ کر پورا کیا۔

عثمان ڈار کی والدہ نے خواجہ آصف کو چیلنج کر دیا-
سیاست عثمان ڈار نے چھوڑی ہے، اس کی ماں نے نہیں ! pic.twitter.com/ga2C9eN8pe

— Tehreek-e-Insaf (@InsafPK) October 4, 2023

انہوں نے کہا کہ سیاست عثمان ڈار نے چھوڑی ہے اس کی والدہ نے نہیں،اب سیاست میں خواجہ آصف کا مقابلہ میں کروں گی ۔ان کا کہنا تھا کہ میرا چیلنج ہے میدان میں آ اور دیکھو تمہارے شیر کا میں کیا حشر کرتی ہوں۔