پولیس آرڈر 2002،عملدرآمد نہ کرنے پر اسلام آباد ہائیکورٹ برہم

اسلام آباد(اُمت نیوز)چیف جسٹس اسلام آباد ہائی کورٹ جسٹس عامر فاروق پولیس آرڈر 2002 پر عمل درآمد نہ کرنے پر حکومت پر پرس پڑے۔

ایک کیس کی سماعت کے دوران چیف جسٹس اسلام آباد ہائی کورٹ نے ایڈیشنل اٹارنی جنرل سے استفسار کیا کہ دارالحکومت میں پولیس آرڈر پر عمل درآمد ہو رہا ہے یا نہیں جس پر منور اقبال دوگل نے جواب دیا کہ پولیس آرڈر پر عمل درآمد نہیں ہورہا۔

چیف جسٹس اسلام آباد ہائی کورٹ پولیس آرڈر سے بیوروکریٹس کا اختیار کم ہوتا ہے یہی بات ہے ناں؟ پورے سسٹم کا بیڑا غرق کرکے رکھا ہوا ہے۔

ان کا کہنا تھا کہ پولیس آرڈر پر عمل نہ ہونے سے پراسیکویشن سسٹم مکمل ڈسٹرب ہے، یہ سارا اختیار کا چکر ہے، عدالت کئی بار اس پر عمل کرنے کا کہہ چکی ہے۔

جسٹس عمر فاروق نے استفسار کیا کہ چیف کمشنر اور وزارت داخلہ کو کس کا انتظار ہے، اگر چیف کمشنر کو کسی نوٹیفکیشن کا انتظار ہے تو وہ آئے گا اور نہ اس کی ضرورت ہے۔