کراچی،عمارت گرنے سے 5 افراد جاں بحق

کراچی :شاہ فیصل کالونی میں گھر کی چھت گرنے سے 5 افراد جاں بحق ہو گئے جبکہ 3 افراد زخمی ہوئے۔

کراچی کی شاہ فیصل کالونی میں عمارت گرنے سے بھاری ملبہ کام میں مصروف مزدوروں پر آ پڑا جس کی زد میں کئی مزدور آ گئے۔

حادثہ اس دوران پیش آیا جب 2 منزلہ عمارت پر تیسری منزل کی چھت ڈالی جا رہی تھی۔

پولیس نے بتایا ہے کہ عمارت کے ملبے سے 5 افراد کی لاشیں نکال لی گئی ہیں، جبکہ زخمی ہونے والے 3 افراد زیرِ علاج ہیں۔

پولیس کا کہنا ہے کہ ملبے تلے مزید افراد کے دبے ہونے کی اطلاع ہے، حادثے کی جگہ پر رش کے باعث ریسکیو اہل کاروں کو پریشانی کا سامنا کرنا پڑ رہا ہے۔

 جاں بحق افراد کی شناخت 55 سالہ حسن علی، 30 سالہ محمد انور اور 37 سالہ کاشف کے نام سے ہوئی جن میں ایک راہ گیر بھی شامل ہے۔