اسرائیل کی غزہ پر حملے کی تیاری، بارشیں رکاوٹ بننے لگیں

اسرائیل(اُمت نیوز)اسرائیل کی جانب سے فلسطینیوں کو شمالی غزہ چھوڑنے کا الٹی میٹم دینے کے بعد متوقع حملے کی تیاری جاری ہے تاہم غزہ میں جاری بارشوں کا سلسلہ ان حملوں میں رکاوٹ کا باعث بن رہا ہے۔
سماجی رابطے کی ویب سائٹ ایکس پر سامنے آنے والی ویڈیوز میں دیکھا جاسکتا ہے کہ غزہ میں رات گئے تیز بارش ہوئی، بارش کا یہ سلسلہ مزید کچھ دن جاری رہنے کا امکان ہے۔ غزہ کے شہریوں کو اس وقت پانی کی بندش کے باعث مشکلات کا سامنا ہے۔
بین الاقوامی خبر رساں ادارے ‘دی وال اسٹریٹ جرنل’ کے مطابق اسرائیل کی جانب سے حماس کے عسکریت پسندوں کو فضائی حملوں کا نشانہ بنانے پر غزہ کے رہائشیوں کو انخلا کے احکامات دیے گئے تھے۔

God has sent heavy rain onto Gaza & surrounding regions. This act has delayed the assault on civilians in Gaza & civilians get a refresh of water since Israel shut off all water.

God Is Great! 🙏 #GazaGenocide
pic.twitter.com/liHpFGKbpi

— Chief Trumpster (@ChiefTrumpster) October 15, 2023

اسرائیلی فوج نے 24 گھنٹے کے اندر تمام 11 لاکھ فلسطینیوں کو شمالی غزہ چھوڑ کر جنوبی غزہ جانے کا الٹی میٹم دیا تھا۔ غیر ملکی میڈیا کے مطابق تل ابیب کے متوقع زمینی حملے سے قبل اسرائیلی ٹینک غزہ کی پٹی میں داخل ہوئے اور پھر کچھ دیر بعد واپس چلے گئے۔ غیر ملکی میڈیا کے مطابق اس وقت بھی اسرائیل نے غزہ کے ساتھ اپنی سرحد کے قریب فوجی، ٹینک اور دیگر سازوسامان جمع کر رکھا ہے، جس کی وجہ سے بڑے پیمانے پر حملے کا امکان ہے۔
اسرائیلی رہنماؤں کی طرف سے بھی یہ بھی اشارہ دیا گیا ہے کہ حملہ ہونے والا ہے اور وہ کئی دنوں سے لوگوں کو غزہ کے شمالی حصے سے نقل مکانی کرنے کیلئے کہہ رہے ہیں۔