پابندی کے باوجودموبائل سم کی خریدوفروخت جاری

کراچی: پابندی کے باوجود کراچی میں بلا اجازت کھلے عام سڑکوں پر موبائل سم کی خرید وفروخت جاری ہے اور بعض علاقوں میں سڑکوں پر ہیں اسٹالز لگائے گئے ہیں جن میں بعض اسٹالز پر سم خریدنے والےصارفین کو غذائی سامان بھی دیاجارہا ہے جن کیخلاف کسی قسم کاایکشن نہیں لیاجارہا ہے۔

ذرائع کے مطابق حکومت کی جانب سے غیرقانونی سم پر پابندی کے بعد اس کاروبار سے وابستہ افراد نے سم فروخت کرنےکیلئےاسٹالز کیساتھ ساتھ مختلف بازاروں میں ڈیرے ڈال رکھے ہیں جہاں پر سم فروخت کرنیوالے افراد لوگوں کوبغیرکسی شناختی دستاویز کے سم دے رہے ہیں۔ کراچی کے علاوہ مضافاتی علاقوں میں گاڑیوں پراسپیکرزلگاکر سم فروخت کرنےکاسلسلہ شروع کیا گیا ہے اور سم خریدنے کیساتھ ایک سے دو کلو چینی بھی مفت بانٹی جارہی ہے ۔