کراچی کے مختلف علاقوں میں زلزلے کے جھٹکے

کراچی : شہر قائد کے مختلف علاقوں میں زلزلے کے شدید جھٹکے محسوس کیے گئے ہیں۔تفصیلات کے مطابق  ضلع ملیر کے مختلف علاقوں میں رات گئے زلزلے کے جھٹکے محسوس کیے گئے ہیں۔ ابتدائی اطلاعات کے مطابق مجید کالونی، شاہ لطیف ٹاؤن کے علاقوں میں زلزلے کے جھٹکے محسوس ہوئے۔

علاوہ ازیں  قائد آباد، لانڈھی، مظفر آباد کالونی، مسلم آباد کالونی  میں زلزلے کے جھٹکے محسوس کیے گئے، جس کے بعد شہریوں میں خوف و ہراس پھیل گیا۔ ماہرین کے مطابق زلزلے کی شدت 3.1 ریکارڈ کی گئی، جس کی گہرائی 15 کلومیٹر  تھی اور یہ قائد آباد کے قرب و جوار میں محسوس کیا گیا۔