کراچی میں کل سے گرمی بڑھنے کا امکان

کراچی : محکمہ موسمیات نے شہر میں (کل) ہفتہ سے گرمی کی شدت میں اضافے کا امکان ظاہر کیا ہے۔محکمہ موسمیات کے مطابق کراچی میں آئندہ تین روز کے دوران موسم گرم اور مرطوب رہنے کا امکان ہے۔

محکمہ موسمیات کے مطابق ہفتہ سے شہر کا درجہ حرارت بڑھنے کا امکان ہے جس کے باعث ہفتہ اور اتوارکو درجہ حرارت 35 سے 37 ڈگری سینٹی گریڈ تک پہنچ سکتا ہے جب کہ شہر میں دن کے بیشتر حصے میں شمال مغرب سے گرم ہوائیں چل سکتی ہیں اور شام میں جنوب مغرب سے سمندری ہوائیں چلنے کا امکان ہے۔دوسری جانب سندھ کے بیشتر مقامات پر بھی موسم گرم اور خشک رہنے کی پیشگوئی کی گئی ہے۔