بھارتی پولیس نے فینز کو ’پاکستان زندہ باد‘ کے نعرے لگانے سے روک دیا

بھارت (اُمت نیوز)پاکستان اور آسٹریلیا کے میچ میں پاکستان اور پاکستانیوں سے بھارتیوں کے شدید تعصب کی جھلک ایک بار پھر اس وقت نظر آئی جب بھارتی سیکیورٹی اہلکار نے پاکستانی فینز کو ’’پاکستان زندہ باد‘‘ کے نعرے لگانے سے روک دیا۔
سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ پاک آسٹریلیا میچ کے دوران اسٹیڈیم میں ایک نوجوان پاکستانی ٹیم کی شرٹ پہنے بیٹھا ہوا ہے اور سامنے کھڑے پولیس اہلکار سے بحث کررہا ہے کہ وہ ’پاکستان زندہ باد‘ کا نعرہ کیوں نہیں لگا سکتا۔

It's shocking and upsetting to see that people are being stopped from cheering "Pakistan Zindabad" at the game.

This totally goes against what the sport is about!#CWC23 #PAKvsAUS #AUSvsPAK pic.twitter.com/iVnyFlNB09

— Momin Saqib (@mominsaqib) October 20, 2023

نوجوان کے ساتھ بیٹھا ایک مداح یہ ویڈیو بنارہا ہے ’’جس میں بھارتی پولیس اہلکار نوجوان کو منع کرتا ہے کہ پاکستان زندہ باد کا نعرہ نہ لگائے،اس پر نوجوان اس سے کہتا ہے کہ پاکستان کا میچ ہورہا ہے، ہم پاکستان سے آئے ہیں تو پاکستان زندہ باد کا نعرہ نہیں لگائیں گے تو کیا کہیں گے‘‘۔

بعدازاں نوجوان اپنا موبائل فون نکال کر پولیس اہلکار سے کہتا ہے کہ وہ کیمرے کے سامنے یہی بات کہے کہ پاکستان زندہ باد کا نعرہ نہیں لگایا جاسکتا ہے، جس پر مذکورہ اہلکار اپنے افسر کو بتانے کا کہہ کر وہاں سے جانے لگتا ہے۔