پاکستان ملٹری اکیڈمی میں مختلف کیڈٹس کی پاسنگ آؤٹ پریڈ

اسلام آباد(اُمت نیوز)پاکستان ملٹری اکیڈمی میں مختلف کیڈٹس کی پاسنگ آؤٹ پریڈ ہوئی ہے، جس میں سربراہ پاک بحریہ تقریب کے مہمان خصوصی تھے۔

پاک فوج کے شعبہ تعلقات عامہ (آئی ایس پی آر) کے مطابق پاکستان ملٹری اکیڈمی میں مختلف کیڈٹس کی پاسنگ آؤٹ پریڈ کی تقریب ہوئی، جس کے مہمان خصوصی سربراہ پاک بحریہ ایڈمرل نوید اشرف تھے۔

آئی ایس پی آر کے مطابق پاس آوٹ ہونے والے کیڈٹس میں عراق، مالدیپ، نیپال، فلسطین، قطر، سری لنکا اور یمن کے گریجویٹس بھی شامل ہیں۔