خیرپور: چھاپے میں 2 کروڑ کی آئس برآمد،چار ملزم گرفتار

خیرپور :  ببرلو قومی شاہراہ پر جیکب آباد سے کراچی جانے والی کار پر پولیس کا چھاپہ بھاری مقدار میں آئس برآمد کرکے چار ملزمان گرفتار کر لئے گئے. گرفتار افراد میں دو خواتین بھی شامل ہیں. گزشتہ روز ببرلوء قومی شاہراہ پر جیکب آباد سے کراچی جانے والی مشکوک کار کو روکا تلاشی کے دوران کار میں سے اعلیٰ کوالٹی کی دس کلو آئس برآمد کر لی گئی. کار میں سوار چار افراد جن میں دو خواتین بھی شامل ہیں کو گرفتار کر کے تفتیش شروع کر دی گئی. ڈی ایس پی سٹی خیرپور اشتیاق آرائیں، ایس ایچ او الھودھایو پتافی نے بتایا کہ پولیس کی یہ بڑی کارروائی ہے ماضی میں اتنی بڑی آیس کی مقدار نہیں پکڑی جس مالیت دو کروڑ روپے سے زائد ہے. ملزمان کے مقدمہ درج کرکے تفتیش شروع کردی گئی۔