انڈونیشیا کے سفیر ایڈم ملاورمن کا نیول ہیڈکواٹرز اسلام آباد کا دورہ

اسلام آباد: پاکستان میں تعینات انڈونیشیا کے سفیر ایڈم ملاورمن ٹوگیو نے نیول ہیڈکواٹرز اسلام آباد کا دورہ کیا ۔ انڈونیشیا کے سفیر نے چیف آف دی نیول سٹاف ایڈمرل نوید اشرف سے ملاقات کی۔ ترجمان پاک بحریہ کے مطابق معزز مہمان نے سربراہ پاک بحریہ ایڈمرل نوید اشرف کو عہدہ سنبھالنے پر مبارکباد دی اور ان کیلئے نیک خواہشات کااظہار کیا۔ ملاقات کے دوران باہمی دلچسپی کے امور اور دوطرفہ بحری تعاون کے مزید فروغ پر تبادلہ خیال کیا گیا۔انڈونیشیا کے سفیر نے خطے میں میری ٹائم سکیورٹی کو یقینی بنانے کے سلسلے میں پاک بحریہ کے کردار کو سراہا۔