پاکستان کا غوری ویپن سسٹم کا کامیاب تجربہ

راولپنڈی: پاکستان نے غوری ویپن سسٹم کا کامیاب تجربہ  کیا ہے۔

پاک فوج کے شعبہ تعلقات عامہ آئی ایس پی آر کے مطابق تجربے کے دوران ویپن سسٹم کے تکنیکی اور آپریشنل پہلوؤں کا جائزہ لیاگیا،آرمی اسٹریٹجک فورس کمانڈ کے کمانڈر نے تجربے کا مشاہدہ کیا۔

آئی ایس پی آر کے مطابق تجربے کے دوران متعلقہ اداروں کے افسران، سائنسدان اور انجینئرز بھی موجود تھے،صدر ، نگران وزیراعظم ، عسکری قیادت کی کامیاب تجربے پر سائنسدانوں اور انجینئرز کو مبارکباد دی۔