حماس نے اسرائیل کی خفیہ جوہری تنصیبات پر راکٹ حملے داغ دیئے

فلسطین(اُمت نیوز)فلسطین کی مزاحمتی تنظیم حماس کے القسام گروپ نے اسرائیل کی خفیہ جوہری تنصیبات پر راکٹ حملے داغ دیئے۔
اسرائیلی میڈیا نے تصدیق کی ہے کہ فلسطین کی مزاحمتی تنظیم حماس نے دیمونا میں راکٹ داغے ہیں تاہم کوئی جانی نقصان نہیں ہوا۔ راکٹ حملے کے بعد ایریز اور نیتیو ہاسارا میں سائرن بجادیئے گئے ہیں۔
سماجی رابطے کی سائٹ ٹوئٹر (ایکس) پر عبرانی ذرائع سے حاصل ہونے والی ویڈیو وائرل ہورہی ہے جس میں دیکھا جاسکتا ہے کہ پہاڑوں کے درمیان واقعے جوہری تنصیبات کے قریب دھوا اٹھتا دیکھائی دے رہا ہے۔

#دیمونا پر #حماس #كتائب_القسام کی جانب سےہفتہ کی شام راکٹ حملہ کی عبرانی ذرائع سے حاصل ہونےوالی وڈیو۔ دیمونا میں اسرائیلی خفیہ جوہری تنصیبات ہیں۔ #عرب ممالک کی جوہری تنصیبات پر حملہ کرنےوالے ملک کی اپنی تنصیبات محفوظ نہیں رہیں۔ #مقاومة فلسطین کی جانب سے پیغام واضع ہے۔ #غزة_تنتصر https://t.co/Jy0mjTJ9W3 pic.twitter.com/FTAgJvFqTn

— Tariq Abul Hassan (@tariqabulhassan) October 29, 2023

واضح رہے کہ دیمونا شہر میں اسرائیل کی خفیہ جوہری تنصیبات ہیں، واقعہ کو غیرمعمولی قرار دیا جارہا ہے۔
دوسری جانب اسرائیل کی غزہ سمیت فلسطینی علاقوں میں شدید بمباری سے مزید سیکڑوں شہید ہوگئے ہیں، ایلون مسک نے غزہ میں سیٹلائٹ کے ذریعے انٹرنیٹ سروس فراہم کردی ہے جس کے بعد غزہ سے دنیا کا رابطہ بحال ہونا شروع ہوگیا ہے۔
غزہ میں اسرائیل کی بمباری سے شہید فلسطینیوں کی تعداد 8 ہزار سے تجاوز کرچکی ہے جس میں 4000 سے زائد بچے بھی شامل ہیں۔