اسرائیل کا امریکی ساختہ بموں سے جبالیہ کیمپ پرحملہ،100 فلسطینی شہید

غزہ: شمالی غزہ میں واقع جبالیہ پناہ گزین کیمپ جبالیہ  پر اسرائیلی فضائیہ کے حملے میں 100 افراد شہید درجنوں زخمی ہوگئے ۔الجزیرہ کے مطابق جبالیہ مہاجرین کیمپ پر اسرائیلی فوج کی بمباری میں 100 افراد شہید اور درجنوں زخمی ہو گئے ہیں۔قابض اسرائیلی افواج نےجبالیہ مہاجر کیمپ کو 6 امریکی ساختہ بموں سےتباہ کر دیا۔ ڈائریکٹرانڈونیشین اسپتال کا کہنا ہے کہ اسپتال لائی گئی لاشوں کی گنتی ابھی بھی جاری ہے ایندھن کی قلت کی وجہ سےاسپتال کل شام بند ہو جائےگا۔

بمباری کے بعد  فرانسیسی خبر رساں ادارے کی جبالیہ کیمپ کی وائرل ہونے والی ایک فوٹیج میں کم از کم 47 لاشیں تباہ  ہوجانےو الے مکانات کے ملبے میں سے نکالی جاتی دکھائی گئی ہیں۔

غزہ کے شہری دفاع کے ڈائریکٹر احمد الکہلوت کا کہنا ہے کہ جبالیہ پناہ گزین کیمپ اسرائیلی بمباری سے "مکمل طور پر تباہ” ہو گیا ہے ان عمارتوں میں سیکڑوں شہری رہتے ہیں قابض فوج نے اس ضلع کو چھ امریکی ساختہ بموں سے تباہ کر دیا یہ غزہ کی پٹی پر اسرائیلی جارحیت کی وجہ سے ہونے والا تازہ ترین قتل عام ہے،” انہوں نے کہا کہ بین الاقوامی برادری کو اسرائیل کو روکنے کے لیے فوری کارروائی کرنی چاہیے اس سے پہلے کہ بہت دیر ہو جائے۔