شہباز کو وزیر اعظم بنوایا لیکن انہوں نے کام نہیں کیا، زرداری

نوابشاہ:  سابق صدر آصف علی زرداری نے شہباز شریف کے حوالے سے کہا ہے سابق وزیر اعظم کو میں نے بنوایا تھا لیکن انہوں نے کام نہیں کیا۔ زرداری ہاؤس نوابشاہ میں عمائدین سے ملاقات میں گفتگو کرتے ہوئے آصف زرداری کا کہناتھا سابقہ حکومت نے عوام کیلئے کام نہیں کیا۔ پیپلز پارٹی نے ہمیشہ عوام کیلئے کام کیا ہے، نواب شاہ میں ایگریکلچر یونیورسٹی قائم کروں گا اور ضلع میں پولیس یونیورسٹی قائم کی جائے گی جس میں امیدواروں کو پہلے تربیت دی جائے گی۔ روہڑی کینال پر بجلی پیدا کرنے کیلئے ہائیڈرو سسٹم لگایا جائے گا، نہری نظام میں بہتری سے زرعی شعبے میں بہتری آئے گی، نواب شاہ کی آبادی میں اضافہ ہو رہا ہے اس لئے شہر کو بڑھایا جائے گا۔