کراچی : 2 نو مولود بچوں اور ایک شخص کی تشدد زدہ لاش

کراچی: شہر کے مختلف علاقوں سے 2 نو مولود بچوں اور ایک شخص کی تشدد زدہ لاش برآمد ہوئی ہے۔ جناح ہسپتال قومی ادارہ برائے امراض قلب کے سامنے مین روڈ کچرا کنڈی سے کئی روز پرانی ایک نومولود بچی کی لاش ملی ہے۔سرجانی KDA چورنگی کے قریب کچرا کنڈی سے ایک نومولود بچے کی لاش ملی ہے ۔

ریسکیو اداروں نے لاشوں کو ہسپتال منتقل کردیا ہے۔ پولیس نے واقعات کی رپورٹ درج کرکے تفتیش شروع کردی ہے۔پولیس کا کہنا ہے کہ اسٹیل ٹاؤن لنک روڈ حاجی سومار گوٹھ سے جھاڑیوں سے کئی روز پرانی 55 سالہ شخص کی لاش ملی ہے جس کی شناخت نہیں ہوئی جسے مزید کارروائی کے لئے جناح اسپتال منتقل کیا گیا ہے۔