شاہ محمود کی جیل میں طبیعت خراب

اسلام آباد: سابق وزیر خارجہ شاہ محمود قریشی کی جیل میں طبیعت خراب ہوجانے کی بنا پر عدالت نے انہیں جیل سےاسپتال منتقل کرنے کی اجازت دے دی۔

واضح رہے کہ سفارتی سائفر گمشدگی کیس میں گرفتار شاہ محمود قریشی اڈیالہ جیل میں قید ہیں۔

آفیشل سیکریٹ ایکٹ کی خصوصی عدالت کے جج ابوالحسنات ذوالقرنین نے جیل انتظامیہ کی درخواست پر شاہ محمود کی اسپتال منتقلی کی اجازت دی۔

جیل انتظامیہ کی جانب سے درخواست کی گئی تھی کہ شاہ محمود کے ٹیسٹ کرانے ہیں، اس لیے انہیں پمزمنتقل کرنے کی اجازت دی جائے۔