ورلڈ کپ، سری لنکا نے نیوزی لینڈ کو جیت کیلیے 172 رنز کا ہدف دیدیا

بنگلورو: ورلڈکپ کے 41 ویں میچ میں سری لنکا نے نیوزی لینڈ کو جیت کیلیے 172 رنز کا ہدف دیدیا، سری لنکا کی ٹیم 47 ویں اوورز میں 171رنز بنا کر آئوٹ ہوگئی۔

نیوزی لینڈ نے ٹاس جیت کر پہلے باولنگ کا فیصلہ کیا، سری لنکا کو بیٹنگ کی دعوت دی جس پر پاتھم نسانکا اورکوشل پریرا نے میدان میں اتر کر کھیل کا آغاز کیا لیکن اوپننگ پرآنے والے پاتھم نسانکا محض2 رنز بنا کر سودھی کی گیند پر کیچ آوٹ ہو گئے۔

کوشل پریرا نے ففٹی اسکور کرتے ہوئے 51 رنز بنائے۔ کوشل مینڈس 6، سدیرا 1، چریتھ 8، انجیلو میتھیو 16 جبکہ دھنن جایا 19 رنز بنا کر پویلین لوٹ گئے۔چمیکا کرونارتنے 6، سدیرا سمارا وکرما ایک رنز بناکر آؤٹ ہوئے، دلشان مدوشنکا19رنز بنا پائے، مہیش38رنز بنا کر ناٹ آئوٹ رہے ۔

نیوزی لینڈ کی جانب سے ٹرینٹ بولٹ نے 3، مچل سینٹنر، لوکی فرگوسن اورراچن رویندرا نے2، 2 جبکہ ٹم ساؤتھی نے ایک وکٹ حاصل کی۔

پوائنٹس ٹیبل پر نیوزی لینڈ کی 8 پوائنٹس کیساتھ چوتھی پوزیشن جبکہ سری لنکا 4 پوائنٹس کے ساتھ 9ویں نمبر پر موجود ہے۔ دونوں ٹیمیں اب تک 8 میچز کھیل چکی ہیں، نیوزی لینڈ نے 4 میں جبکہ سری لنکا نے صرف 2 میچوں میں فتح حاصل کی۔