کینیڈا میں یہودیوں کے 2اسکولوں پر فائرنگ، جانی نقصان نہیں ہوا

مونٹریال: کینیڈا کے شہر مونٹریال میں یہودیوں کے دو سکولوں پر فائرنگ کی گئی تاہم کوئی جانی نقصان نہیں ہوا۔پولیس کے مطابق اسکول انتظامیہ نے بتایا کہ دروازوں اور کھڑکیوں میں گولیوں سے سوراخ ہو گئے ہیں، جس وقت فائرنگ ہوئی اس وقت اسکول میں طلبہ یا اساتذہ نہیں تھے۔پولیس ترجمان کا کہنا تھا کہ واقعہ کی تحقیقات شروع کر دی ہے۔وزیراعظم جسٹن ٹروڈو نے اپنے بیان میں کہا کہ جذبات بہت بھڑکے ہوئے ہیں اور لوگ بھی خوفزدہ ہیں، لیکن کینیڈا میں رہتے ہوئے ایک دوسرے پر حملہ کرنا ہماری شناخت نہیں ہے اور نہ ہونی چاہئے۔