نگران وزیراعظم انوارالحق کاکڑ کی فلسطینی صدر سے ملاقات

ریاض : نگراں وزیرِاعظم انوارالحق نے دورہ سعودی عرب کے دوران فلسطین کے صدر محمود عباس سے ملاقات کی ہے۔ انوار الحق کاکڑ کا کہنا ہے کہ پاکستان عالمی سطح پر فلسطینیوں کیلئے آواز بلند کرتا رہے گا۔

وزیرِاعظم اور فلسطینی صدر کی ملاقات میں غزہ میں صیہونی فوجوں کی جانب سے نہتے فلسطینیوں کے قتلِ عام پر گہرے دکھ کا اظہار کیا گیا۔ انوار الحق کاکڑ نے محمود عباس کو یقین دلایا کہ پاکستان فلسطین کی سفارتی مدد جاری رکھے گا، پاکستان عالمی سطح پر فلسطینیوں کیلئے آواز بلند کرتا رہے گا۔

Caretaker Prime Minister meets Palestinian President in Riyadh, Saudi Arabia.

Caretaker Prime Minister Anwaar-ul Haq Kakar today met with President of Palestine Mahmoud Abbas in Riyadh, Saudi Arabia. The two leaders are attending the Extraordinary Summit of the OIC convened to… pic.twitter.com/7uRCPuxlK0

— Prime Minister's Office (@PakPMO) November 10, 2023

وزیراعظم نے عالمی قوتوں کی غزہ میں جاری بربریت پر خاموشی کو شرمناک قرار دیا اور کہا کہ عالمی قوتیں غزہ میں جنگ بندی، نہتے فلسطینیوں کے قتل عام کو روکنے میں اپنا کردار ادا کریں۔

ملاقات میں دونوں رہنماؤں نے غزہ میں فوری طور پرغیرمشروط جنگ بندی اور اشیاءِ ضروریہ و طبی امداد کی فراہمی کیلئے راہداری کے قیام کا مطالبہ کیا۔صدر محمود عباس نے مشکل وقت میں ساتھ دینے پروزیراعظم اور پاکستانی عوام کا بھی شکریہ ادا کیا۔