ترکیہ فرارہونیوالا قتل کا ملزم اسلام آبادایئرپورٹ سے گرفتار

اسلام آباد : ایف آئی اے انٹرپول نے کارروائی کرتے ہوئے پنجاب پولیس کوسنگین جرائم میں مطلوب ملزم کواسلام آباد ایئرپورٹ سے گرفتارکرلیا۔ترجمان ایف آئی اے کے مطابق ملزم کی گرفتاری کیلئے ایف آئی اے انٹرپول نے ریڈ نوٹس جاری کیا تھا ۔ملزم مستنصر اقبال قتل کی دفعات کے تحت گجرات پولیس کو مطلوب تھا ۔ ترکیہ سے واپس ملزم کی حوالگی انٹرپول اسلام آباد کی ایف آئی اے امیگریشن حکام کے ساتھ قریبی رابطہ کاری کی وجہ سے ممکن ہوئی ۔

بعد ازاں ایف آئی اے امیگریشن اسلام آباد نے ملزم کو متعلقہ پولیس حکام کے حوالے کر دیا۔ترجمان ایف آئی اے کا کہنا ہے کہ این سی بی انٹرپول پاکستان بیرون ملک فرار ہونے والے ملزمان کی گرفتاری کے لئے گراں قدر خدمات سرانجام دے رہا ہے۔ انتہائی مطلوب ملزمان کی گرفتاری اور بروقت حوالگی کے لئے این سی بی انٹرپول پاکستان ہمہ وقت کوشاں ہے۔