نگراں حکومت پیپلز پارٹی کی بی ٹیم بن کر کام کررہی، صدر الدین راشدی

کراچی: جی ڈی اے کے چیف کو آرڈینیٹر صدر الدین راشدی کی زیر صدارت رہائش گاہ پر مشاورتی اجلاس ہوا۔ خطاب میں انہوں نے کہا کہ سندھ میں لیول پلینگ فیلڈ نہ ملی تو آئندہ عام انتخابات کو عوام مسترد کردے گی، الیکشن کمیشن سو رہا ہے، نگراں حکومت پیپلز پارٹی کی بی ٹیم بن کر کام کررہی ہے۔ انہوں نے اجلاس کو پیر پگارا سے ن لیگ وفد کی ملاقات سے متعلق آگاہ کیا۔ بتایا گیا کہ ایم کیو ایم اور جے یو آئی کے ساتھ باہمی مشاورت جاری ہے۔ صدر الدین شاہ راشدی نے کہا کہ عوام سے رابطے تیز کریں گے، آئندہ انتخابات میں جیت جی ڈی اے کا مقدر ہے۔اجلاس میں بتایا گیا کہ پیر پگارا کی صدارت میں جی ڈی اے کی کور کمیٹی کا اجلاس جلد ہوگا۔مشاورتی اجلاس میں صفدر عباسی، زین شاہ، سردار عبد الرحیم، عرفان مروت،عبدالرزاق راھموں سمیت دیگر رہنما موجود تھے۔