پی پی لیول پلیئنگ فیلڈ مانگ رہی یا واک اوور فیلڈ؟ فردوس عاشق

اسلام آباد: آئی پی پی کی رہنماء فردوس عاشق اعوان نے کہا ہے کہ عوام نے پیٹرول، بجلی کی قیمتوں میں اضافہ برداشت کیا۔مہنگائی کے فیصلے پی ڈی ایم اور پی پی نے مشاورت سے کئے تھے۔رہنماء آئی پی پی فردوس عاشق اعوان نے نجی ٹی وی کے پروگرام میں گفتگو کرتے ہوئے کہا ہے کہ ماضی میں الزام تراشیاں کرتے رہے نقصان ملک کا ہوا۔پیپلز پارٹی لیول پلیئنگ فیلڈ مانگ رہی ہے یا واک اوور فیلڈ؟۔فردوس عاشق اعوان نے ایک سوال کا جواب دیتے ہوئے کہا ہے کہ میدان میں اتریں تو اپنی کارکردگی کے ذریعے لیول بنائیں۔پیپلز پارٹی کے مطالبے والی لیول پلیئنگ فیلڈ کیا سندھ میں ہے؟ انہوں نے کہا ہے کہ ن لیگ چاہتی ہے پنجاب میں پی ٹی آئی کا ووٹ انہیں ملے۔آئی پی پی شاہین کے نشان پر پنجاب بھر میں ساری جماعتوں کا مقابلہ کرے گی۔