ٹیسٹ کپتان شان مسعود دورہ آسٹریلیا سے قبل انجری کا شکار

راولپنڈی (اُمت نیوز) پاکستانی ٹیسٹ ٹیم کے کپتان شان مسعود دورہ آسٹریلیا سے قبل انجری کا شکار ہوگئے۔
پنڈی کرکٹ سٹیڈیم میں پاکستان کپ کا سیمی فائنل کراچی وائٹس اور ملتان کے درمیان کھیلا جارہا تھا جس کے دوران سابق کپتان سرفراز احمد اور شان مسعود دوڑتے ہوئے آپس میں ٹکرا گئے۔
اس تصادم کا نتیجہ پاکستانی ٹیسٹ ٹیم کے نئے کپتان شان مسعود کے انجرڈ ہونے کی صورت میں برآمد ہوا۔

Sarfaraz Ahmed and Test Captain Shan Masood had a rough collision on the field. pic.twitter.com/d71LOyFdIz

— Thakur (@hassam_sajjad) November 17, 2023

سرفراز احمد ٹکرانے کے بعد کھڑے ہو گئے مگر شان مسعود کچھ دیر گراؤنڈ میں لیٹے رہے اور پھر بعدازاں وہ میدان سے باہر چلے گئے جس کے بعد ان کی انجری کے حوالے سے تشویش کا اظہار کیا جا رہا ہے۔
واضح رہے کہ پی سی بی نے حال ہی میں شان مسعود کو ٹیسٹ ٹیم کا کپتان مقرر کیا ہے اور ان کا پہلا اسائنمنٹ آسٹریلیا کے خلاف تین ٹیسٹ میچز کی سیریز ہے جس کا آغاز 14 دسمبر سے ہو گا۔