شمالی وزیرستان میں پاک فوج کے 2 جوان شہید

راولپنڈی:  شمالی وزیرستان میں پاک فوج کے 2 جوان شہید ہوگئے۔ پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں سیکیورٹی فورسز کے قافلے کی گاڑی دہشت گردوں کی نصب کردہ آئی ای ڈی سے ٹکرا گئی، جس کے نتیجے میں پاک فوج کے 2 جوان جام شہادت نوش کرگئے۔آئی ایس پی آر کے مطابق شہید ہونے والوں میں کرک کے 33 سالہ لانس نائیک احسان بادشاہ اور کرم کے 30 سالہ لانس نائیک ساجد حسین شامل ہیں۔

🚨#ISPR

On 22nd November 2023, an Improvised Explosive Device (IED) exploded on a convoy of security forces in area of Razmak, North Waziristan District.#PakistanArmy #Pakistan #FC

Resultantly, two soldiers; Lance Naik Ehsan Badshah (age: 33 years, resident of: District… pic.twitter.com/Thx2qLJoc9

— Pakistan Armed Forces News 🇵🇰 (@PakistanFauj) November 22, 2023

آئی ایس پی آر کا کہنا ہے کہ علاقے میں موجود کسی بھی دہشت گرد کے خاتمے کے لئے سینی ٹائزیشن آپریشن بھی کیا گیا۔ترجمان پاک فوج کے مطابق سیکیورٹی فورسز دہشت گردی کی لعنت کو ختم کرنے کے لیے پرعزم ہیں، ہمارے بہادر جوانوں کی یہ قربانیاں ہمارے عزم کو مزید مضبوط کرتی ہیں۔

نگراں وزیرِاعظم انوار الحق کاکڑ نے شمالی وزیرستان کے علاقے رزمک میں پاک فوج کے قافلے پر دہشت گردوں کے حملے کی مذمت کی ہے۔نگراں وزیراعظم نے 2 جوانوں کی شہادت پر گہرے دکھ اور افسوس کا اظہار کیا۔ انوار الحق کاکڑ نے شہید لانس نائیک احسان بادشاہ اور لانس نائیک ساجد حسین کے اہلخانہ سے اظہارِ ہمدردی کیا اور شہداء کی بلندیِ درجات اور سوگواران کے لیے صبر جمیل کی دعا بھی کی۔

نگران وزیرِ اعظم انوار الحق کاکڑ کی رزمک، شمالی وزیرِ ستان میں پاک فوج کے قافلے پر دھشتگردوں کے حملے کی شدید الفاظ میں مزمت اور دو جوانوں کی شہادت پر گہرے دکھ اور افسوس کا اظہار.

وزیرِ اعظم کا شہید لانس نائیک احسان بادشاہ اور شہید لانس نائیک ساجد حسین کے اہل خانہ سے اظہارِ… pic.twitter.com/QkQjRsKt01

— PTV News (@PTVNewsOfficial) November 22, 2023

نگراں وزیرِاعظم نے کہا کہ دہشت گردی کے ناسور کے ملک سے خاتمے تک اس کے خلاف جنگ جاری رکھیں گے، پاک فوج اوراداروں کی ملک کی بقاء کی خاطر قربانیاں ناقابل فراموش ہیں، مجھ سمیت پوری قوم کو اپنے شہداء اور ان کے اہلِ خانہ پر فخر ہے۔