3 ٹیسٹ میچز کی سیریز کھیلنے قومی کرکٹ ٹیم آسٹریلیا روانہ ہو گئی

لاہور (اُمت نیوز) آسٹریلیا کے ساتھ 3 ٹیسٹ میچز کی سیریز کھیلنے کیلئے قومی کرکٹ ٹیم آسٹریلیا روانہ ہو گئی ہے۔
ذرائع کے مطابق قومی کرکٹ ٹیم براستہ یو اے ای آسٹریلیا جائے گی، دورہ آسٹریلیا کے دوران پاکستان کی ٹیم تین ٹیسٹ میچز کے علاوہ آسٹریلین پرائم منسٹر الیون کے ساتھ 4 روزہ میچ کھیلے گی جو 6 دسمبر سے 9 دسمبر تک شیڈول ہے۔

پاکستان بمقابلہ آسٹریلیا ، پاکستان ٹیم روانگیپاکستان ٹیم نیشنل کرکٹ اکیڈمی سے ایئرپورٹ کے لیے روانہ قومی اسکواڈ کچھ دیر بعد براستہ دبئی سڈنی کے لیے روانہ ہو گاقومی اسکواڈ سڈنی سے کینبرا پہنچے گاپاکستان ٹیم کا کینبرا میں 6 سے 9 دسمبر تک پرائم منسٹر الیون کے خلاف فرسٹ کلاس میچ… pic.twitter.com/k4tb2hyV6C

— Abbas Shabbir (@Abbasshabbir72) November 29, 2023

پاک آسٹریلیا ٹیسٹ سیریز کا پہلا میچ 14 دسمبر سے 18 دسمبر تک پرتھ سٹیڈیم، دوسرا میچ 26 دسمبر سے 30 دسمبر کو میلبورن کرکٹ سٹیڈیم اور تیسرا ٹیسٹ میچ 3 جنوری سے 7 جنوری تک سڈنی کرکٹ گراؤنڈ میں کھیلا جائے گا۔
ٹیسٹ ٹیم کے کپتان شان مسعود کا کہنا ہے کہ مجھ پر کپتانی کا دباؤ نہیں، کوشش ہو گی دورہ آسٹریلیا سے پاکستان کیلئے اچھا رزلٹ لائیں، سیریز ورلڈ ٹیسٹ چیمپئن شپ میں مدد گار ثابت ہو سکتی ہے۔