گھوٹکی: سرکٹ ہاوس میں رینجرز اہلکار کی فائرنگ، 2 ساتھی شہید، 5 زخمی

گھوٹکی: سرکٹ ہاؤس میں فائرنگ، 2 اہلکار شہید، 5 زخمی۔ تفصیلات کے مطابق سرکٹ ہاؤس میں رینجرز کیمپ پر فائرنگ کا واقعہ پیش آیا،جس کے نتیجے میں اہلکار یونس اور فہیم احمد شہید، گل، آفاق احمد، غلام مصطفی، ظفر اقبال اور غلام مرتضی زخمی ہوئے، اطلاع پر قانون نافذ کرنے والے اہلکاروں نے پہنچ کر سرکٹ ہاوس بند کردیا۔ بعد ازاں شہید اہلکاروں کے جسد خاکی اور زخمیوں کو اسپتال منتقل کیا گیا، جہاں سے زخمیوں کو سکھر اور رحیم یار خان اسپتال منتقل کیا گیا، ضروری کاروائی کے بعد شہید اہلکاروں کے جسد خاکی رینجرز حکام کے حوالے کئے گئے۔ پولیس کے مطابق فائرنگ کرنے والے اہلکار نے چھت پر چڑھ کر فائرنگ کی، اہلکار اقبال کا ذہنی توازن درست نہیں، حراست میں لے لیا گیا۔