پشاور کے ورسک روڈ بابو گڑھی میں دھماکا

پشاور(اُمت نیوز)ورسک روڈ بابو گڑھی میں دھماکا ہوا ہے، جس میں دو افراد کے زخمی ہونے کی اطلاعات ہیں۔
پشاور کے ورسک روڈ بابو گڑھی میں دھماکا ہوا، جس کی آواز دور دور تک سنائی دی گئی، واقعے کی اطلاع ملتے ہی پولیس اور ریسکیو ٹیمیں وقوعہ کی جانب روانہ ہوگئیں۔
پولیس حکام کا کہنا ہے کہ دھماکے میں 2 افراد زخمی ہوئے، جنہیں اسپتال منتقل کردیا گیا ہے۔
ذرائع کا کہنا ہے کہ دھماکا نجی بینک اور اسکول کے قریب ہوا، جس کے بعد پولیس کی بھاری نفری اور ریسکیو ٹیمیں بھی پہنچ گئیں اور سیکیورٹی اداروں نے علاقے کو گھیرے میں لے لیا ہے۔